اسلام آباد(پاکستان پوائنٹ نیوز24۔اگست 2016ء) جماعت اسلامی نے پاناما لیکس دیاں تحقیقات لئی سپریم کورٹ وچ درخاست جمع کروا دِتی اے۔ امیر جماعت اسلامی سراج الحق ولوں دائر درخاست وچ وفاق، وزارت کابینا قانون، خزانا، نیب تے ایف آئی اے نوں فریق بنایا اے پر کسے سیاست دان نوں ایس درخاست وچ فریق نہیں بنایا گیا۔ درخاست وچ آکھیا گیا اے کہ عوامی عہدا رکھن والیاں نے اثاثیاں وچ آف شور کمپنیاں دا ذکر نہیں کیتا۔
عدالت فریقاں نوں معاملے دیاں تحقیقات دا حکم دیوے۔ سپریم کورٹ دے باہر میڈیا نال گل بات کردے ہوئے سراج الحق نے آکھیا کہ جماعت اسلامی معاشی دہشت گرداں خلاف کوششاں کر رہی اے۔ اوہناں نے آکھیا کہ کرپشن پاروں سارے ادارے ناکام ہو رہے نیں۔ حکمران مغل شہزادے تے سیاسی پنڈت نیں جہناں نے 68 ورھے ملک نوں لُٹیا۔
