لاہور(پاکستان پوائنٹ نیوز21۔ستمبر2017ء) سابق وزیر اعظم نواز شریف وی چودھری نثار علی خان دے بیاناں توں ناراض نیں‘ (ن) لیگی قیادت ولوں چودھری نثار علی خان نوں شوکاز نوٹس جاری کرن بارے غور کیتا جا رہیا اے۔ میڈیا رپورٹس مطابق چودھری نثار علی خان نوں پارٹی پالیسی دے اُلٹ تے مخالف بیان دین اُتے شوکاز نوٹس دتا جا رہیا اے۔ ویکھیا جا رہیا اے کہ شوکاز نوٹس پارٹی چیئرمین جاری کرے یاں قائم مقام صدر ۔
یاد رہوے کہ دو دن پہلے ہون والی چودھری نثار علی خان تے شہباز شریف دی ملاقات وچ وی وزیر اعلا ولوں چودھری نثار توں درخاست کیتی گئی سی کہ اوہ سیاسی امور نوں میڈیا تے پارلیمنٹ وچ نہ لیان پر چودھری نثار علی خان نے شہباز شریف دی درخاست نوں رد کرد ے ہوئے پارلیمنٹ وچ اپنی پارٹی پالیسی خلاف بیان دتا۔ جہدے مگروں سابق وزیر اعظم نواز شریف وی چودھری نثار دے پچھلے دِنا دتے گئے بیان اُتے خفا نیں۔
