جہلم(پاکستان پوائنٹ نیوز21۔ستمبر2017ء) تحریک انصاف دے چیئرمین عمران خان نے آکھیا اے کہ نواز شریف اپنے پیراں اُتے لیڈر بندا تے ایہ نہ آکھدا کہ مینوں کیوں کڈھیا؟نواز شریف ترکی دا آخری سلطان بن گیا‘ وزیر اعظم تے وزیر خارجا دوویں ملک دشمناں والا کم کر رہے نیں‘ نواز شریف نے مریم صفدر نوں لیڈر بنا دتا‘ مریم نواز تے چودھری نثار دا کیہ مقابلا اے؟اوہناں نے اج جہلم وچ عوامی جسلے نال خطاب کردے ہوئے آکھیا کہ اجیہی ٹیم بناواں گے جو اپنی ذات نہیں بلکہ ملک لئی کھیڈے گی۔
میرٹ ایہ اے کہ اک کرکٹ ٹیم وچ کھڈاری میرٹ اُتے بھرتی کیتے جان۔ دنیا دی کرکٹ تواریخ دی سبھ توں کامیاب ٹیم آسٹریلیا اے ‘ اوتھے میرٹ سسٹم اے۔ اوہناں دا کہنا سی کہ اولمپکس وچ دنیا دے دوجے ملک سلور تے گولڈ میڈل لیندے نیں۔ ساڈا میڈل لینا تے دور دی گل، کوئی اک کھڈاری سلیکٹ نہیں ہویا۔ ساڈا نظام ای دو نمبر اے۔ اوہناں نے آکھیا کہ عدالت طاقتور خلاف فیصلا دیندی اے تے اوہ آکھدا اے کہ مینوں کیوں کڈھیا؟ معاشی انصاف وچ معاشی خشحالی صرف شریفاں تے زرداریاں لئی نہیں ہونی چاہیدی۔
