لاہور:کانگو وائرس نال 12 ورھیاں دی لائبہ ہلاک

لاہور:کانگو وائرس نال 12 ورھیاں دی لائبہ ہلاک

لاہور(پاکستان پوائنٹ نیوز24۔اگست 2016ء) وڈی عید نیڑے آوندے ای کانگو وائرس نے لوکائی نوں ڈاڈھا پریشان کر دِتا اے۔ جدکہ لاہور وچ بارھاں ورھیاں دی لائبہ کانگو وائرس دے نتیجے وچ ہلاک ہو گئی۔ ہسپتال وسیلیاں دے مطابق نارنگ منڈی دی رہائشی لائبہ دی کانگو وائرس نال موت بارے تحقیق کیتی جا رہی اے تے ایس سلسلے وچ اوہدے نمونے تصدیق لئی نیشنل انسٹی ٹیوٹ آف ہیلتھ گھل دِتے گئے نیں جہدی ہُن رپورٹ دا انتظار اے۔ دوجے پاسے شہراں نوں آن والے جنوراں دے بیوپاریاں دا وی کانگو وائرس توں متاثر ہون دا خطر اے۔ یاد رہوے کہ چالو ورھے کانگو وائرس نال سبھ توں زیادا موتاں بلوچستان وچ ہوئیاں نیں۔