اسلام آباد(پاکستان پوائنٹ نیوز19۔ستمبر2017ء) تحریک انصاف دی منحرف رہنما عائشہ گلا لئی نے عمران خان ولوں گھلیا گیا ریفرنس بدنیتی اُتے مبنی قرار دیندے ہوئے آکھیا اے کہ الزام بے بنیاد تے گمراہ کن نیں‘ عمران خان نے اپنے خلاف الزام دبان لئی ریفرنس دائر کیتا۔ ممبر سندھ غفار سومرو دی صدارت وچ الیکشن کمیشن نے عائشہ گلا لئی نوں ڈی سیٹ کرن لئی دائر ریفرنس اُتے سنوائی کیتی۔
ایس دوران عمران خان دے وکیل نے عائشہ گلا لئی خلاف تحریری دستاویزات الیکشن کمیشن وچ جمع کروائیاں۔ رکن قومی اسمبلی عائشہ گلا لئی نے وی اپنا تحریری جواب الیکشن کمیشن وچ جمع کروایا۔ عائشہ گلا لئی ولوں موقف اختیار کیتا گیا اے کہ عمران خان ولوں گھلیا گیا ریفرنس بدنیتی اُتے مبنی اے۔ لائے گئے الزام بے بنیاد تے گمراہ کن تے غلط نیں۔ جواب مطا بق وزیر اعظم دے چناؤ دے دن عائشہ گلا لئی بیمار سن۔ عمران خان نے ہراساں کرن دے الزام دبان لئی ریفرنس دائر کیتا گیا۔دوجے پاسے الیکشن کمیشن نے ریفرنس اُتے ہور سنوائی 26ستمبر تیکر ملتوی کر دتی۔
