قطر دا پاکستانیاں نوں30دن لئی مفت ویزا دین دا اعلان

اسلام آباد(پاکستان پوائنٹ نیوز19۔ستمبر2017ء) قطر نے پاکستانی شہریاں نوں کُجھ شرطاں اُتے 30دن لئی ویزا مفت جاری کرن دا اعلان کر دتا اے۔ تفصیل مطابق اسلام آباد وچ موجود قطر دے سفارت خانے نے اعلان کیتا اے کہ پاکستانی پاسپورٹ رکھن والے شہریاں نوں قطر پہنچن مگروں ائر پورٹ اُتے ای 30دن دا مفت ویزا جاری کر دتا جائے گا۔ پر ایس ویزے لئی کُجھ شرطاں رکھیاں گئیاں نیں۔ شرطاں مطابق پاسپورٹ 6مہینیاں تیکر کارآمد ہونا چاہیدا۔ آن والے بندے کول ریٹرن ٹک تے 5000ریال یاں اوہدے برابر پیسے ہونے چاہیدے۔ ایس توں وکھ مسافراں کول پولیو خلاف ویکسنیشن دا سرٹیفکیٹ وی ہونا چاہیدا۔