کراچی(پاکستان پوائنٹ نیوز19۔ستمبر2017ء) پیپلز پارٹی سندھ دے رہنما منظور وسان نے میڈیا نال گل با ت کر دے ہوئے آکھیا کہ سیاستداناں لئی خطرے دی گھنٹی وجدی ویکھ رہیا واں‘ نواز شریف مگروں سبھ دا احتساب ہوئے گا۔ تفصیل مطابق منظور وسان نے چالو ملکی صورتحال بارے تبصرا کردے ہوئے کُجھ نویاں پیشنگوئیاں کیتیاں نیں۔ منظور وسان دا کہنا سی کہ سابق وزیر اعظم نواز شریف دی تھاں مریم نواز لین گیاں۔
این اے 120اُتے حاصل ووٹ (ن) لیگ دے خش ہون لئی بتھیرے نہیں۔ آؤندے عام الیکشن وچ مخلوط حکومت بنے گی۔ منظور وسان دا ہور کہنا سی کہ نواز شریف دی ملک واپسی تے ویلا لگے گا۔ نواز شریف مگروں سبھ دا احتساب ہوئے گا۔ شریف خاندان دے آپسی جھیڑے بارے منظور وسان نے آکھیا کہ شہباز شریف تے نواز شریف دی لڑائی نویں گل نہیں۔ شہباز شریف‘ نواز شریف توں وکھ کسے نوں برداشت نہیں کر سکدے۔
