پی آئی اے دا جہاز سابق ایم ڈی اپنے نال لے گئے تے پتا نہیں ایس معاملے اُتے انکوائری دا کیہ بنیا: وزیر پارلیمانی امور شیخ آفتاب احمد دا سینیٹ وچ جواب

اسلام آباد(پاکستان پوائنٹ نیوز12۔ستمبر2017ء) وزیر پارلیمانی امور شیخ آفتاب احمد نے آکھیا اے کہ پی آئی اے دا جہاز سابق ایم ڈی اپنے نال لے گئے تے پتا نہیں ایس معاملے اُتے انکوائری دا کیہ بنیا۔ منگل نوں ایوان بالا وچ سوالاں دے وقفے دوران سینیٹر کریم احمد خواجا دے سوال دے جواب وچ وزیر پارلیمانی امور شیخ آفتاب احمد نے دسیا کہ پی آئی اے دے سارے جہازاں دے معیار دی تصدیق سول ایوی ایشن اتھارٹی بین الاقوامی معیار دے مطابق کردی اے۔

یورپی یونین اتھارٹی (EASA) نے پی آئی اے نوں اُڈاناں چلان لئی اجازت دتی ہوئی اے۔ اوہناں نے آکھیاکہ ایہ گل ٹھیک اے کہ پی آئی اے دا اک جہاز ای گواچ گیا اے تے پتا چلیا کہ سا بق ایم ڈی جہاز اپنے نال لے گئے نیں جہدا فیر پتا نہیں کیہ بنیا۔ اوہناں نے آکھیا کہ پی آئی اے پچھلے کئی ورھیاں توں کسارے وچ جا رہی اے‘ کرپشن وی ہوندی رہی اے۔ ہن پی آئی اے نوں بہتر انداز وچ چلان لئی تن مہینیاں اندر حکمت عملی پیش کرن دی مہلت دتی گئی اے۔