لاہور(پاکستان پوائنٹ نیوز11۔ستمبر2017ء) چودھری نثار نے روہنگیا مسلماناں اُتے ہون والے ظلماں خلاف ایوان وچ پیش کیتی گئی تحریک التواء بارے اعتراض کر دتااے‘ تحریک التواء حکومت خلاف ہوندی اے‘ برما دے مسئلے اُتے سارے ارکان نوں گل کرن دا موقع دتا جائے‘ جہدے اُتے سپیکر اسمبلی نے رضا مندی ظاہر کر دتی اے۔ میڈیا رپورٹس مطابق قومی اسمبلی وچ روہنگیا مسلماناں دی نسل کشی خلاف تحریک التواء پیش کیتی گئی۔
تحریک التواء وچ مطالبہ کیتا گیا کہ ایوان معمول دی کارروائی روک کے میانمار اُتے بحث کرے۔ تحریک التواء دی چودھری نثار نے مخالفت کردے ہوئے آکھیا کہ او آئی سی اجلاس وچ عملی اقدامات لئی کوئی تجویز نہیں دتی گئی۔ او آئی سی وچ کُجھ نہیں ہویا ایس لئی ایتھے وی تقریراں دا کوئی فائدہ نہیں۔اوہناں دا کہنا سی کہ سانوں عملی طور اُتے کُجھ کرن دی ضرورت اے۔ اجیہے اقدامات کیتے جان گے جہدے پکے نتیجے برآمد ہون۔ چودھری نثار علی خان دا کہنا سی کہ روہنگیا دا مسئلا پوری مسلمان برادری دا اے۔ ایوان وچوں اک اواز آنی چاہیدی۔
