اسلام آباد(پاکستان پوائنٹ نیوز11۔ستمبر2017ء) مریم نواز دی بھرپور کوریج خلاف ریٹرننگ افسر حلقہ این اے 120لاہور نے پی ٹی وی خلاف الیکشن کمیشن نوں کیس گھل دتا اے۔ جہدے وچ آکھیا گیا اے کہ پی ٹی وی نے 10ستمبر 2017نوں مریم نواز دی لاہور وچ رات 8وجے دی ریلی نوں بھرپور کوریج دتی۔ تفصیل مطابق پی ٹی ولوں مریم نواز دی الیکشن مہم جو کہ اپنی والدہ لئی کر رہیاں سن نوں براہ راست چلان تے اوہنوں کوریج دین دے حوالے نال ریٹرننگ افسر حلقہ این اے 120لاہور نے سیکرٹری الیکشن کمیشن نوں اک خط لکھیا اے۔
خط وچ ایس گل اُتے تشویش دا اظہار کیتا گیا اے کہ اک قومی ادارہ کیوں مسلم لیگ (ن) دی ریلی نوں کوریج دے رہیا اے۔ ایس سلسلے وچ جی ایم پی ٹی وی توں تن دن اندر وضاحت منگی جائے کہ اوہناں ریلی نوں اینی کوریج کیوں دتی؟
