پاکستان مخالف بیان دین والے دا گھر سیل کرنا چنگی گل اے:نعیم الحق

پاکستان مخالف بیان دین والے دا گھر سیل کرنا چنگی گل اے:نعیم الحق

کرا چی(پاکستان پوائنٹ نیوز23۔اگست 2016ء) تحریک انصاف دے مرکزی سیکرٹری اطلاعات نعیم الحق نے آکھیا اے کہ پاکستان مخالف بیان دین والے دے گھر نوں سیل کرنا چنگی گل اے۔ نعیم الحق دا کہنا سی کہ 30 ورھیاں توں عسکری ونگ نوں ختم نہ کرن دے معاملے اُتے حکومت جواب دیوے۔ اوہناں دا کہنا سی کہ کراچی نوں ڈران والی بلی آپ تھیلے توں باہر آ گئی اے۔ نعیم الحق نے آکھیا کہ پاکستان خلاف بولن والی زبان نوں ہر وار معافی نہیں دِتی جا سکدی ایس لئی اوہناں خلاف کارروائی ہونی چاہیدی۔ اوہناں دا کہنا سی کہ ایم کیو ایم دے قائد الطاف حسین نے بھکھ ہڑتالی کیمپ وچ کارکناں توں پاکستان مخالف نعرے لوائے سن، جہدے بعد میڈیا ہاؤسز اُتے حملا وی کیتا گیا۔