لاہور(پاکستان پوائنٹ نیوز23۔اگست 2016ء) پیر دے دیہاڑے ایم کیو ایم دے کارکناں نے میڈیا ہاؤسز اُتے حملے کیتے جہدے ردعمل وچ ایم کیو ایم دے میڈیا ہاؤسز اُتے حملیاں خلاف پنجاب اسمبلی وچ قرار داد جمع کروا دِتی گئی اے۔ قرار داد اپوزیشن لیڈر پنجاب اسمبلی میاں محمود الرشید ولوں جمع کروائی گئی قرارداد دے وچ آکھیا گیا اے کہ ایم کیو ایم دے میڈیا ہاؤس اُتے حملے شرمناک نیں۔
ایم کیو ایم دے قاید نے اپنے خطاب وچ مودی دی زبان بولی جہدے اُتے ایم کیو ایم دے قاید خلاف غداری دے مقدما درج کیتا جانا چاہیدا۔ قرارداد وچ ہور آکھیا گیا اے کہ ایم کیو ایم نوں چاہیدا اے کہ فوری طور اُتے اپنی پوزیشن نوں کلیئر کرے ت،جے ایم کیو ایم دے قائد اپنے بیان اُتے قائم نیں تے ایم کیو ایم دے سارے دفتر سیل کیتے جان۔
