روہنگیا مسلماناں اُتے ظلم: میانمار دے سفارتکار دی دفتر خارجہ طلبی

روہنگیا مسلماناں اُتے ظلم: میانمار دے سفارتکار دی دفتر خارجہ طلبی

اسلام آباد(پاکستان پوائنٹ نیوز09۔ستمبر2017ء) روہنگیا مسلماناں اُتے ہون والے ظلماں خلاف پاکستانی حکومت نے اپنا احتجاج ریکارڈ کروان لئی میانمار دے سفیر نوں دفتر خارجہ طلب کر لیا۔ تفصیل مطابق پاکستانی دفتر خارجہ نے روہنگیا مسلماناں اُتے ہون والے ظلماں خلاف اپنااحتجاج ریکارڈ کروان لئی میانمار دے سفیر نوں طلب کر لیا اے۔ میانمار دے سفیر ساہمنے سیکرٹری خارجہ تہمینہ دورانی نے احتجاج کردے ہوئے آکھیا کہ میانمار دی حکومت روہنگیا مسلماناں دی نسل کشی بند کرے۔

اوہناں دا کہنا سی کہ میانمار حکومت روہنگیا مسلماناں اُتے ہون والے ظلماں دیاں تحقیقات کردے ہوئے ملوث لوکاں خلاف کارروائی کرے۔ایس موقعے تے میانمار دے سفیر نے سیکرٹری خارجہ تہمینہ دورانی نوں یقین دہانی کروائی کہ اوہ پاکستانی حکومت دے تحفظات نوں اپنی حکومت تیکر اپڑا د ین گے۔