اسلام آباد(پاکستان پوائنٹ نیوز09۔ستمبر2017ء) نجی ٹی وی چینل اُتے اپنے پروگرام وچ گل بات کردے ہوئے ڈاکٹر شاہد مسعود نے آکھیا کہ نواز شریف پکے ای ملکوں فرار ہو گئے نیں۔ اوہناں دا کہنا سی کہ نواز شریف ہن ملک واپس نہیں آ رہے نیں۔ اوہ اپنا پروگرام بدل سکدے نیں پر اوہ واپس نہیں آ رہے ۔ نواز شریف لندن توں امریکا جا رہے نیں۔ ڈاکٹر شاہد مسعود دا کہنا سی کہ لندن توں امریکا جان اُتے اوہناں نال اوہناں دی بیوی کلثوم نواز وی ہون گیاں جتھے اوہناں دا اعلاج ہوئے گا۔
اوہناں نے دسیا کہ میاں نواز شریف دا ذہن ایہ اے کہ اوہ اودوں امریکا جان جدوں شاہد خاقان عباسی امریکا ہون تے اوہ اقوام متحدہ دی جنرل اسمبلی دے سیشن وچ رلت کرن تاں جے اوتھے لابنگ فورم راہیں نواز شریف عالمی لیڈراں نال ملاقات کر سکن۔ ڈاکٹر شاہد مسعود دا کہنا سی کہ شاہد خاقان عباسی وی نواز شریف ہتھوں مجبور نیں۔
