سینر اینکر پرسن اقرار الحسن نے برما توں اک نویں تصویر جاری کر دتی

سینر اینکر پرسن اقرار الحسن نے برما توں اک نویں تصویر جاری کر دتی

برما(پاکستان پوائنٹ نیوز08۔ستمبر2017ء) سینر اینکر پرسن اقرار الحسن نے برما توں اک نویں تصویر جاری کر دتی۔ تفصیل مطابق اقرار الحسن روہنگیا دے مسلماناں اُتے کیتے جان والے ظلماں خلاف آواز چُکدے ہوئے برما پہنچے نیں۔ برما پہنچن اُتے پچھلے دیہاڑے سماجی رابطے دی ویب سائٹ انسٹا گرام اُتے اقرار الحسن نے بہادر شاہ ظفر دے مزار ساہمنیوں لِتی گئی اپنی تصویر پوسٹ کیتی تے اطلاع دتی کہ اوہ اپنا ایہ سفر اگانہ وی جاری رکھن گے۔

پر اج فیس بک اُتے اوہناں دی اک ہور تصویر وی ساہمنے آئی اے۔ اپنی تصویر وچ اقرار الحسن نے لکھیا کہ کہ ایہ میری زندگی دا سبھ توں مشکل کم اے۔ کیونکہ میں 72گھنٹیاں توں سُتے بغیر لگاتار سفر کر رہیا واں تے ٹُر رہیا واں۔ اقرار الحسن دے چاہن والیاں نے سوشل میڈیا تے اوہناں لئی نیک خاہشاں دا وکھالا کردے ہوئے اوہناں لئی دعا کیتی۔