لوکائی عمران خان نوں منفی سیاست پاروں اک وار فیر رَد کرن گے: حمزہ شہباز

لوکائی عمران خان نوں منفی سیاست پاروں اک وار فیر رَد کرن گے: حمزہ شہباز

پنڈدادن خان(پاکستان پوائنٹ نیوز22۔اگست 2016ء) پاکستان مسلم لیگ (ن) دے مرکزی رہنما تے ممبر قومی اسمبلی حمزہ شہباز نے آکھیا اے کہ دوجیاں اُتے الزام لان، غیر جمہوری رویے تے جھوٹھے وعدیاں دی بنیاد اُتے عمران خان نوں لوکائی ڈونگھا پھٹ لان گے۔ تفصیل دے مطابق پیر دے دیہاڑے قومی اسمبلی دے حلقا این اے 63 دے علاقے پنڈ دادن خان وچ مسلم لیگ ن دے وکرز تے پارٹی رہنماواں نال خطاب کردے ہوئے ۔

اوہناں نے آکھیا کہ ساڈے بزرگاں نے سیاست نوں عوامی خدمت سمجھ کے ادا کرن دا سبق دِتا اے۔ اخلاق توں ڈِگیاں ہوئیاں گلاں ساڈا شیوہ نہیں، عزت کسے شان و شوکت نال نہیں لوکاں دے دل جِتن نال ملدی اے۔ اوہناں نے آکھیا میاں نواز شریف دی قیادت وچ ملک انھیریاں توں روشنی ول جا رہیا اے۔ حمزہ شہباز دا کہنا سی کہ ملک بھر دی طرحاں جہلم وی میاں نواز شریف دا گھر اے جِتھے 31 اگست دے ضمنی الیکشن وچ عوام دوبارہ میاں نواز شریف دی قیادت اُتے اعتماد دا وکھالا کرن گے۔