اسلام آباد(پاکستان پوائنٹ نیوز22۔اگست 2016ء) سپیکر قومی اسمبلی سردار ایاز صادق نے آکھیا اے کہ اجے تیکر کوئی ریفرنس الیکشن کمیشن نوں نہیں گھلیا۔ تفصیل دے مطابق پیر دے دیہاڑے میڈیا نال گل بات کردے ہوئے سپیکر ایاز صادق دا کہنا سی کہ اجے تیکر میں کوئی ریفرنس الیکشن کمیشن نوں نہیں گھلیا جدکہ 30 دِناں وچ جواب نہ دِتا گیا تے ریفرنس اپنے آپ الیکشن کمیشن کول چلا جاوے گا۔
اوہناں نے آکھیا کہ ساریاں جماعتاں ولوں 6 ریفرنس ملے نیں ، سارے ریفرنسز دا جائزہ لے رہے آں کہ کِہڑے ریفرنس نوں الیکشن کمیشن نوں گھلنا چاہیدا اے یاں کہڑا ریفرنس بغیر جواز دے اے۔ ایاز صادق دا کہنا سی کہ سپیکر قومی اسمبلی کول جمع ہون والے ریفرنسز دی گنتی چھ اے جہناں وچوں چار وزیر اعظم نواز شریف خلاف جدکہ اک عمران خان تے اک جہانگرین ترین خلاف اے۔
