لاہور(پاکستان پوائنٹ نیوز22۔اگست 2016ء) پنجاب وچ سرکاری افسراں تے ملازماں دیاں تنخاہواں وچوں کٹوتی دا نواں حکم ناما جاری کر دِتا گیا، نویں سال وچ پرویڈینٹ فنڈز 11.10 فیصد رہوے گا۔ تفصیل دے مطابق محکما خزانا پنجاب نے سرکاری ملازماں دی کٹوتی دا نوٹی فکیشن جاری کر دِتا جہدے مطابق نویں سال وچ پرویڈینٹ فنڈ 11.10 فیصد رہوے گا۔ جدکہ پچھلے مالی سال دے مارک اپ نال سرکاری افسراں تے ملازماں دیاں تنخاہواں توں کٹوتی ہووے گی۔
نوٹی فکیشن دے مطابق گریڈ 22 دے افسر دی تنخاہ توں 8 ہزار 210، گریڈ 21 دے افسر دی تنخاہ چوں 7 ہزار 426، گریڈ 20 دے افسر دی تنخاہ 6 ہزار توں ودھ، گریڈ 19 دے افسر دی تنخاہ 5 ہزار 998 رُپئے گریڈ 18 دے افسر دی تنخاہ چوں 4 ہزار 471 رُپئے، گریڈ 17 دے افسر دی تنخاہ چوں 3 ہزار 579 رُپئے کٹوتی ہووے گی۔
