500 رُپئے دا جھیڑا، نِکے بھراواں نے وڈے نوں اگ لا دِتی۔

فیصل آباد(پاکستان پوائنٹ نیوز22۔اگست 2016ء) 500 رُپئے دا جھیڑا، نکے بھراواں نے وڈے بھرا نوں اگ لا دِتی جدکہ بھرا نوں بچاندے ہوئے دو ہور بھرا وی لوس گئے جہناں نوں خطرناک حالت وچ ہسپتال منتقل کیتا گیا اے۔ تفصیل دے مطابق پیر دے دیہاڑے سمندری روڈ دے رہائشی مشتاق دا اپنے نکے بھرا ابوبکر تے عمر نال 500 رُپئے دا جھیڑا چل رہیا سی کہ نکے بھرا نے وڈے اُتے پٹرول سُٹ کے اگ لا دِتی تے ایس دوران اوہنوں وی اگ لگ گئی، جدکہ اک بھرا بچاندے ہوئے اگ دی زد وچ آ گیا ۔ جدکہ حادثے دوران زخمی ہون والے تِناں بھراواں نوں الائیڈ ہسپتال برن سنٹر منتقل کر دِتا گیا اے۔ ڈاکٹراں دے مطابق مشتاق دا جُسا 70 فیصد توں ودھ، ابوبکر ا جُسا 45 فیصد تے عمر دا جُسا 35 فیصد لوسیا اے۔ جدکہ تِناں دی حالت خطرے وچ اے۔