پنجاب حکومت دا کساناں نوں سمارٹ فون دین دا فیصلا

لاہور(پاکستان پوائنٹ نیوز22۔اگست 2016ء) پنجاب حکومت نے دوجے شعبیاں وانگ زراعت دے شعبے وچ وی جدید ٹیکنالوجی لیان لئی کساناں نوں سمارٹ فون دین دا فیصلا کیتا اے۔ تفصیل دے مطابق ایس ضمن وچ سیکرٹری زراعت کیپٹن(ر) محمد محمود نے چیف سیکرٹری نوں بریفنگ دِتی جہدے تحت پنجاب حکومت نے کساناں نوں ای کریڈٹ سہولت دے ذریعے ڈیجیٹل ٹیکنالوجی دین دا فیصلا کیتا اے۔ ایس فیصلے دے مطابق کساناں نوں صرف 100 رُپئے دے بدلے سمارٹ فون دِتا جائے گا۔ پنجاب حکومت یو کے وچ موجود اک موبائل کمپنی نال سمجھوتا کرے گی۔ جہدے تحت کساناں نوں 100 رُپئے وچ سمارٹ فون دِتا جاوے گا۔ جدکہ سمارٹ فون دی ورتوں نال کسان زرعی خبراں تے زرعی آگاہی حاصل کر سکن گے۔