کراچی(پاکستان پوائنٹ نیوز24۔اگست2017ء) دہشت گردی خلاف جنگ وچ سبھ توں بہتا جانی نقصان پاکستان دا ہویا اے پر فیر وی امریکا بہادر مطمن نہیں ہورہیا۔ ملکی معیشت نوں جتھے ہن تیکر150ارب ڈالر دا نقصان ہویا اوتھے امریکا نے 2002توں ہن تیکر صرف 33ارب ڈالر دی مدد کیتی اے۔ دنیا نوں محفوظ بنان لئی سبھ توں ودھ قربانیاں دین والے ملک نال ای امریکی صدر ٹرمپ نے فیر ڈومور دا مطالبہ کر دتا اے۔
قربانیاں تے کوششاں نوں سلاہن دی بجائے الٹا ٹرمپ پاکستان اُتے ای غصے ہو گئے۔ایہناں قربانیاں دے بدلے امریکا توں کیہ ملیا ایس بارے کانگریشنل ریسرچ سروس دی رپورٹ وچ دسیا گیا اے کہ 2002توں ہن تیکر امریکا نے پاکستان نوں 33ارب ڈالر دتے۔ جہدے وچوں 15ارب ڈالر تے صرف جنگی خرچے پورے کرن اُتے لگے۔ دہشت گردی خلاف جنگ وچ جتھے ملکی معیشت نوں 150ارب ڈالر دا نقصان ہویا اے اوتھے امریکا نے صرف 8ارب ڈالر دی مدد کیتی اے۔
