لاہور (پاکستان پوائنٹ نیوز19۔اگست 2016ء) پنجاب دے دارلحکومت لاہور وچ اورنج لائن ٹرین منصوبے اُتے کم جاری اے۔ ایس منصوبے وچ تاریخی عمارتاں دے متاثر ہون بارے کیس دی سنوائی لاہور وچ جاری سی، جہدے اُتے عدالت نے اپنا فیصلا سُنا دِتا اے۔ عدالتی حکم دے مطابق لاہور وچ موجود 11 تاریخی عمارتاں دی حدود وچ اورنج لائن ٹرین منصوبے دی تعمیر نہیں کیتی جاوے گی۔
جدکہ عدالت نے اورنج لائن ٹرین منصوبے اُتے پنجاب حکومت ولوں جاری سارے این او سی معطل کر دِتے نیں۔ عدالت نے ہدایتاں جاری کیتیاں نیں کہ محکما آرکیالوجی، یونیسکو تے ہور عالمی ماہرین اُتے مشتمل اک کمیٹی بنائی جائے جو تاریخی عمارتاں نوں ایس منصوبے دی زد وچ آن توں روک سکے۔ یاد رہوے کہ اورنج لائن ٹرین منصوبے اُتے 13 جولائی نوں ذکر کیتا گیا فیصلاعدالت ولوں محفوظ کیتاگیا سی جو جمعے دے دیہاڑے عدالت نے سُنا دِتا۔جدکہ ایس توں پہلے اورنج لائن ٹرین منصوبے اُتے حکومت نے حکم امتناعی جاری کیتا سی جہدے تحت لاہور وچ موجود تاریخی عمارتاں دی حدود وچ اورنج لائن ٹرین منصوبے دی تعمیر دا کم روک دِتا گیا سی۔
