پہلی ستمبر توں پٹرولیم وستاں دیاں قیمتاں وچ کمی دا امکان،پٹرول 2 رُپئے 60 پیسے گھٹ ہون دا امکان: وسیلے

اسلام آباد (پاکستان پوائنٹ نیوز19۔اگست 2016ء) پہلی ستمبر توں پٹرولیم وستاں دیاں قیمتاں وچ کمی دا امکان۔ جہدے تحت پٹرول دی قیمت وچ 2 رُپئے 60 پیسے کمی دا امکان ظاہر کیتا جا رہیا اے۔ تفصیل دے مطابق پہلی ستمبر توں اوگرا ولوں پٹرولیم وستاں دیاں قیمتاں وچ کمی دا امکان ظاہر کیتا گیا اے۔ جہدے تحت پٹرول دی قیمت وچ دو رُپئے 60 پیسے، ہائی آکٹین دی قیمت وچ 4 رُپئے 35 پیسے، ہائی سپیڈ ڈیزل دی قیمت وچ 3 رُپئے 46 پیسے، مٹی دے تیل دی قیمت وچ 3 رُپئے جدکہ لائٹ ڈیزل دی قیمت وچ 2 رُپئے 60 پیسے فی لیٹر کمی دا امکان ظاہر کیتا جا رہیا اے۔