پشاور(پاکستان پوائنٹ نیوز14۔اگست2017ء) وزیر اعلا خیبرپختونخوا پرویز خٹک نے آزادی دیہاڑے دے موقعے تے اپنے پیغام وچ آکھیااے کہ 70ورھیاں وچ دنیا کیتے دی کیتے پہنچ گئی اسیں ایٹمی طاقت ہون مگروں وی زیر تے کھلوتے آں، سانوں قائد دا خاب پورا کرن لئی غلامی توں نجات حاصل کرنی پئے گی۔ تفصیل مطابق پشاور سنے خیبر پختونخوا وچ آزادی دیہاڑ جوش نال منایا جا رہیا اے، ایس سلسلے وچ پرچم کشائی دی مرکزی تقریب سول سیکرٹریٹ وچ ہوئی جہدے وچ وزیر اعلا خیبر پختونخوا سنے ارکان صوبائی اسمبلی، ناظم اعلا پشاور تے ہور بندیاں نے رلت کیتی۔
ایس موقعے تے تقریب نال خطاب کردے ہوئے پرویز خٹک دا کہنا سی کہ علامہ اقبال نے پاکستان دا خاب ویکھیا تے قائد اعظم نے اوہنوں پورا کیتا۔ اج اسیں اوہناں دے خاباں نوں پورا کر رہے آں ۔ سانوں غلامی توں نجات حاصل کردے ہوئے قائد دا خاب پورا کرنے ہوئے گا۔
