نواز شریف اج جہلم رہن مگروں کل سویرے 10وجے لاہور لئی ٹُرن گے

جہلم(پاکستان پوائنٹ نیوز10۔اگست2017ء) سابق وزیر اعظم میاں محمد نواز شریف دا قافلا جہلم پہنچ گیا، نواز شریف کل سویرے 10وجے لاہور لئی ٹُرن گے۔ میڈیا رپورٹس مطابق سابق وزیر اعظم میاں محمد نواز شریف اج دوجے دیہاڑے وی اپنے سفر ول ودھدے رہے۔ سابق وزیر اعظم دا قافلا جہلم پہنچ گیا اے۔ نواز شریف نے جہلم وچ پارٹی کارکناں نال خطاب کیتا۔ نواز شریف اج جہلم وچ رہن گے جہدے مگروں اوہ کل دس وجے جی ٹی روڈ توں لاہور لئی ٹرن گے۔