نواز شریف نے جہلم وچ تقریر کردے ہوئے عدالت دی توہین کیتی، جیل دی سزا دا ساہمنا کرنا پے سکدا اے: قانونی ماہرین

جہلم(پاکستان پوائنٹ نیوز10۔اگست2017ء) قانونی ماہرین د ا کہنا اے کہ نواز شریف نے جہلم وچ تقریر کردے ہوئے توہین عدالت کیتی اے۔ تفصیل مطابق نواز شریف ولوں جہلم وچ عوامی اجتماع نال خطاب کردے ہوئے سپریم کورٹ دے ججاں نوں تنقید دا نشانا بنایا گیا۔ نواز شریف ولوں پاناما کیس دا فیصلا سنان والے 5ججاں نوں نااہلی دا فیصلا سنان تے تنقید دا نشانا بنایا۔ ایس حوالے نال قانونی ماہرین آفتاب باجوہ، احسن بھو ن تے فروغ نسیم دا کہنا اے کہ نواز شریف نے جہلم وچ تقریر کردے ہوئے عدالت دی توہین کیتی اے۔ نواز شریف نوں ایس جرم وچ جیل وی ہو سکدی اے۔