اسلام آباد (پاکستان پوائنٹ نیوز18۔اگست 2016ء) سپریم کورٹ نے داسو ڈیم دی اُساری متعلق بولی نوں 24 اگست تیکر حتمی شکل دین توں ڈَک دِتا۔ تفصیل دے مطابق جمعرات دے دیہاڑے داسو ڈیم دی اُساری بارے کیس دی سنوائی جسٹس ثاقب نثار دی سربراہی وچ 3 رکنی بنچ نے کیتی، مقدمے دی کارروائی شروع ہوئی تے پاور کنسٹرکشن کارپوریشن چائنا دے وکیل سلمان اسلم بٹ نے موقف اختیار کیتا کہ ورلڈ بنک نے میری کمپنی نوں نااہل قرار دِتا اے، وکیل نے گوانڈھی ملک دی مثال دِتی جہدے دتے عدالت نے خفگی دا اظہار کیتا تے جسٹس ثاقت نے ریمارکس دِتے کہ پاکستانی عدالتاں وچ ورلڈ بنک دا قانون لاگو نہیں ہوندا۔
گوانڈھی ملک دے رومانس توں باہر نکل آؤ، سانوں گوانڈھی ملکاں دیاں مثالاں نہ دیو کرو۔ جدکہ چائنیز کمپنی دے وکیل نے آکھیا کہ داسو ڈیم وچ بنک دی 588 ملین امریکی ڈالر دی فنانسنگ جدکہ 460 ملین امریکی ڈالر دی بنک گارنٹی اے، ایس اُتے جسٹس ثاقب نثار دا کہنا سی کہ ورلڈ بنک دی فنانسنگ دے بغیر منصوبا مکمل ای نہیں ہو سکدا، ورلڈ بنک دے فیصلے دی وضاحت پاکستانی عدالتاں نہیں کر سکدیاں۔ چائینیز کمپنی ورلڈ نک نال رابطا کرے، عدالت نے دلائل سنن دے بعد داسو ڈیم دی اُساری بارے بولی نوں 24 اگست تیکر حتمی شکل دین توں روکن دا حکم دیندے ہوئے کیس دی سنوائی 24 اگست تیکر ملتوی کر دِتی۔
