اسلام آباد(پاکستان پوائنٹ نیوز18۔اگست 2016ء) ترجمان دفتر خارجا نفیس زکر دا کہنا اے کہ پاکستان نے کشمیر دا معاملا اقوام متحدا وچ چُکیا اے اوہناں نے آکھیا کہ مشیر خارجا پاکستان نے خط لکھ کے اقوام متحدا دی توجہ کشمیر وچ جاری بھارتی ظلماں ول دوائی اے۔ جدکہ وزیر اعظم نواز شریف کشمیر وچ ریاستی جبر دا معاملا جنرل اسمبلی دے اجلاس وچ چُکن گے۔ اوہناں دا کہنا سی کہ پچھلے 40 ورھیاں توں بھارت کشمیر وچ ظلم کر رہیا اے۔
80 دے قریب کشمیری شہری اپنی جان گوا بیٹھے نیں۔ جدکہ 150 توں ودھ کشمیریاں دی اک یا دوویں اکھاں دی روشنی متاثر ہو گئی اے۔ ترجمان دفتر خارجا دے ترجمان نے آکھیا کہ پاکستان کشمیر وچ زخمی ہون والیاں نوں ڈاکٹری امداد دین لئی تیار اے۔تے ایہ پیشکش پاکستان پہلے وی کر چکیا اے۔اوہناں دا کہنا سی کہ سیکرٹری خارجا پاکستان نے بھارتی ہم منصب نوں پاکستان آن تے کشمیر مسئلے اُتے گل بات دی دعوت دِتی اے۔
اوہناں دا کہنا سی کہ امید اے گل بات دوواں وچکار ضرور ہووے گی۔ اوہناں دا کہنا سی کہ اسیں کشمیر دا مسئلا با بار عالمی فورمز تے چُکیا اے۔ جدکہ کشمیر دا معاملا پچھلے 6 دہاکیاں توں اقوام متحدا دے ایجنڈے اُتے وی اے۔ میڈیا نوں ہفتا وار بریفنگ دیندے ہوئے دفتر خارجا نفیس زکریا دا کہنا سی کہ بھارتی داخلا وزیر دے ریمارکس نہ صرف سفارتی آداب بلکہ سارک چارٹر دی وی خلاف ورزی اے۔
