لاہور (پاکستان پوائنٹ نیوز18۔اگست 2016ء) چیف جسٹس لاہور ہائی کورٹ منصور شاہ نے آئی ٹی ڈیپارٹمنٹ وچ ڈاڈھی تبدیلی تے جدید ٹیکنالوجی دی ورتوں دا آغاز کرتا۔ جہدے تحت لاہور ہائی کورٹ دے آئی ٹی ڈیپارٹمنٹ ولوں اک ایپلی کیشن متعارف کروائی گئی اے جہدے تحت سارے سائلین تے وکیل اپنے کیساں دی سنوائی دی تاریخ ایپلی کیشن دے ذریعے ای جان سکن گے۔ ایس منصوبے دی کامیابی دا اندازا ایس گل توں لایا جا سکدا اے کہ ایس ایپلی کیشن نوں ہُن تیکر 5 ہزار توں ودھ لوکاں نے ڈاؤنلوڈ کر لیا اے۔
منصور شاہ دا ایس موقعے اُتے کہنا سی کہ عوام نوں انصاف دی ویلے سِر فراہمی لئی جدید ٹیکنالوجی دی ورتوں توں فائدا حاصل ہوسکدا اے۔ جدکہ سائلین تے وکیلاں نے ایس منصوبے بارے آکھیا کہ ایس ایپلی کیشن دی ورتوں دے بعد لوکاں دا ویلا بچے گا ۔
