اسلام آباد (پاکستان پوائنٹ نیوز18۔اگست 2016ء) سپریم کورٹ نے لیوی ٹیکس وچ وادھے دا نوٹی فکیشن کالعدم قرار دیندے ہوئے ریمارکس دِتے نیں کہ کوئی وی بل یاں قانون کابینا دی منظوری دے بغیر پارلیمنٹ وچ پیش نہیں کیتا جا سکدا۔ تفصیل دے مطابق جمعرات دے دیہاڑے سپریم کورٹ دے جسٹس ثاقب نثار نے لیوی ٹیکس وچ وادھے دے نوٹی فکیشن خلاف اپیلاں اُتے محفوظ کیتا گیافیصلا سُناندے ہوئے ریمارکس دِتے کہ کوئی وی قانون یاں بل کابینا دی منظوری دے بغیر پارلیمنٹ وچ پیش نہیں کیتا جا سکدا۔
عدالت نے آکھیا کہ حکومت وچ صرف وزیر اعظم ای نہیں بلکہ وفاقی وزیر وی شامل ہوندے نیں۔ عدالت نے وفاقی حکومت دے ضابطا 16 دی شق 2 دے تحت وزیر اعظم دا کابینا نوں بائی پاس کرن دا اختیار وی کالعدم قرار دے دِتا۔ عدالت نے ریمارکس دِتے کہ کوئی وی قانون یاں بل کابینا دی منظوری دے بغیر پارلیمنٹ وچ پیش نہیں کیتا جا سکدا۔ جسٹس ثاقب نے آکھیا کہ فنانس بل سنے سارے قانوناں اُتے غور لئی کابینا نوں مناسب ویلا ملنا چاہیدا۔یاد رہوے کہ لیوی ٹیکس نوں نجی کمپنیاں نے سپریم کورٹ وچ چیلنج کیتا سی۔
