بنک آف پنجاب نوں قومی بنک دا درجا مل گیا

لاہور (پاکستان پوائنٹ نیوز18۔اگست 2016ء) سٹیٹ بنک نے بنک آف پنجاب نوں پراپرٹی ٹیکس تے گڈیاں دے ٹوکن ٹیکس لین دا اختیار دے دِتا۔ ہُن لوکائی بنک دیاں ساریاں شاخاں وچ اپنے ذمے پیسے جمع کروا سکن گے۔ تفصیل دے مطابق سٹیٹ بنک آف پاکستان نے بنک آف پنجاب نوں نیشنل بنک دا درجا دے دِتا۔ سٹیٹ بنک آف پاکستان نے حکم جاری کردے ہوئے بنک آف پنجاب نوں ہُن جائیداد دی فیس، سٹامپ پییرز دی ڈیوٹی تے گڈیاں دے ٹوکن ٹیکس لین دا اختیار دے دِتا۔ سٹیٹ بنک دے مطابق ایہ اقدامات ایس لئی کیتے گئے نیں، تاں جے اک پاسے لوکائی دیاں اوکڑاں وچ کمی ہووے تے اوہناں نوں لمیاں لمیاں لایناں وچ نہ لگنا پوے جدکہ دوجے پاسے ایس کم نال بنک دی آمدنی وچ وی وادھا ہووے گا۔