عمران خان نوں کوئی حق نہیں کہ اوہ نواز شریف نوں آکھن کہ اوہ موٹروے توں جان یاں جی ٹی روڈ توں: عوامی نیشنل پارٹی دے رہنما و سینیٹر الیاس بلور

عمران خان نوں کوئی حق نہیں کہ اوہ نواز شریف نوں آکھن کہ اوہ موٹروے توں جان یاں جی ٹی روڈ توں: عوامی نیشنل پارٹی دے رہنما و سینیٹر الیاس بلور

اسلام آباد(پاکستان پوائنٹ نیوز08۔اگست2017ء) عوامی نیشنل پارٹی دے رہنما و سینیٹر الیاس بلور نے آکھیا اے کہ عمران خان کون ہوندا اے پُچھن والا کہ موٹروے توں جان یاں جی ٹی روڈ توں ، نواز شریف دی مرضی اے، نواز شریف 3وار ملک دے وزیر اعظم رہے نیں اوہناں دی حفاظت حکومت دی ذمے واری اے، عمران خان تے کدی وزیر اعظم رہیا نہ وزیر اعلا پر اوہنوں وی سکیورٹی دتی جاندی اے۔

اوہ منگل نوں پارلیمنٹ ہاؤس دے باہر میڈیا نال گل بات کر رہے سن۔ الیاس بلور نے آکھیا کہ ہر شہری دی حفاظت حکومت دی ذمے واری اے۔ نواز شریف 3وار ملک دے وزیر اعظم رہے نیں اوہناں دی حفاظت حکومت دی ذمے واری اے۔ اک سوال دے جواب وچ اوہناں نے آکھیا کہ عائشہ گلا لئی جے مناسب سمجھن تے اسمبلی رکنیت سنے تحریک انصاف نوں چھڈ دین۔ اوہناں نے آکھیا کہ عمران خان نوں کوئی حق نہیں کہ اوہ نواز شریف نوں آکھن کہ اوہ موٹروے توں جان یاں جی ٹی روڈ توں۔