سپریم کورٹ آف پاکستان نے نیب وچ غیر قانونی بھرتیاں دا آپ نوٹس لے لِتا

اسلام آباد (پاکستان پوائنٹ نیوز17۔اگست 2016ء) سپریم کورٹ نے نیب وچ غیر قانونی بھرتیاں دا آپ نوٹس لے لِتا اے۔ میڈیا رپورٹ دے مطابق سپریم کورٹ نے نیب وچ غیر قانونی بھرتیاں اُتے آپ نوٹس لیندے ہوئے چیئرمین نیب تے اٹارنی جنرل نوں نوٹس جاری کر دِتے نیں، چیف جسٹس سپریم کورٹ نے نیب وچ غیر قانونی بھرتیاں بارے کیس جلدی سنوائی لئی مِتھن دی ہدایت وی کر دِتی۔ یاد رہوے کہ پچھلے کئی دِناں توں نیب وچ وی غیر قانونی بھرتیاں تے ضابطے خلاف ڈیپوٹیشن دیاں خبراں گھم رہیاں نیں جہدے بعد عدالت عظمی ولوں معاملے دا آپ نوٹس لے لِتا۔