پی آئی اے دے جہازاں راہیں ہیروئن سمگل کرن والا سکیورٹی افسر گرفتار

پی آئی اے دے جہازاں راہیں ہیروئن سمگل کرن والا سکیورٹی افسر گرفتار

لاہور (پاکستان پوائنٹ نیوز17۔اگست 2016ء) قومی ائر لائن پی آئی اے دے جہازاں راہیں ہیروئن سمگلنگ کرن دے جرم وچ پی آئی اے دے سکیورٹی افسر نوں گرفتار کر لِتا گیا اے۔ تفصیل دے مطابق اینٹی نارکوٹکس فورس (اے این ایف) نے پی آئی اے دے سکیورٹی ملازم اقبال گھرکی نوں پی آئی اے دے جہازاں وچ ہیروئن سمگل کرن دے الزام وچ گرفتار کیتا اے۔ میڈیا رپورٹ دے مطابق ایس ضمن وچ اقبال گھرکی دی نشان کاری اُتے ہور گرفتاریاں دی وی اُمید اے۔

پی آئی اے دے جہازاں دے ٹوائلٹ وچ ہیروئن لُکا کے سمگل کرن وچ پی آئی اے دے ملازماں سنے اعلا افسراں دے ملوث ہون دا وی امکان ظاہر کیتا گیا اے۔ یاد رہوے کہ ہیروئن نوں پی آئی اے دے جہاز دے باتھ روم وچ لُکا کے سمگل کیتا جا رہیا سی، جدکہ انج دے واقعات آئے دن ہو رہے نیں جہدے تے وزیر اعظم نواز شریف نے سخت نوٹس لیندے ہوئے تحقیقات دا وی حکم دِتا سی تے اے این ایف ولوں کیتیاں گئیاں تحقیقات وچ اقبال گھرکی دا ناں سامنے آیا ۔ وسیلیاں دے مطابق اقبال گھرکی پہلے وی شیواں چوری کرن وچ ملوث رہیا اے جدکہ چوری دیاں کئی شیواں اوہدے گھروں برآمد کر لِتیاں گئیاں۔