قومی ٹیم دے لیگ سپنر یاسر شاہ نے 104 ورھے پرانا ریکارڈ توڑ دِتا

لاہور (پاکستان پوائنٹ نیوز17۔اگست 2016ء) قومی ٹیم دے لیگ سپنر یاسر شاہ نے 104 ورھے پرانا ریکارڈ توڑ دِتا۔ تفصیل دے مطابق یاسر شاہ جارج لوہمین دا گھٹ ٹیسٹ میچاں وچ 100 ٹیسٹ وکٹاں لین دا ریکارڈ توڑن وچ تے ناکام رہے پر اوہناں نے 16 میچاں دے بعد 95 وکٹاں لے کے آسٹریلیا دے چارلی ٹرنر تے برطانیا دے سڈبارنز دا 94 وکٹاں دا ریکارڈ توڑ دِتا۔ چارلی ٹرنر نے 1985 تے سڈبارنز نے 1912 وچ اپنے 16 ٹیسٹ میچ پوری ہون اُتے 94-94 وکٹاں لِتیاں سن۔ جدکہ یاسرشاہ دے کول ہُن وی تیز ترین 100 ٹیسٹ وکٹاں مکمل کرن دا ملکی ریکارڈ اپنے ناں کرن دا موقع موجود اے، لیگ سپنر ویسٹ انڈیز خلاف سیریز دے دو ٹیسٹ میچاں وچ 5 وکٹاں لین دی صورت وچ سعید اجمل دا 19 میچاں وچ 100 وکٹاں لین دا ریکارڈ توڑ دین گے۔