چودھری نثار علی خان نوں منان دا ٹاسک خاقان عباسی نوں دے دتا گیا

چودھری نثار علی خان نوں منان دا ٹاسک خاقان عباسی نوں دے دتا گیا

اسلام آباد(پاکستان پوائنٹ نیوز22۔جولائی 2017ء) وفاقی وزیر داخلا چودھری نثار علی خان دی پارٹی قیادت نال ناراضی تے پارٹی اجلاساں وچ رلت نہ کرن تے وزیر اعظم نواز شریف ڈاڈھے پریشان نیں۔ تفصیل مطابق وزیر اعظم مسلم لیگ (ن) وچ ہون والی دھڑے بندیاں کارن ڈاڈھے پریشان نیں تے ہن اوہناں نے شاہد خاقان عباسی نوں چودھری نثار نوں منان دا ٹاسک دے دتا اے۔ شاہد خاقان عباسی نے رات ویلے وزیر داخلا نال ملاقات کیتی۔ وزیر داخلا چودھری نثار علی خان نے وزیر اعلا پنجاب میاں شہباز شریف نوں اپنے تحفظات بارے دسیا اے۔ وسیلیاں مطابق وزیر داخلا نے پارٹی و وزیر اعظم نوں نہ چھڈن دی یقین دہانی کروائی تے آکھیا کہ اوہ کسے جونیئر رہنما نوں وزارت عظمی دے عہدے تے قبول نہیں کرن گے۔