دہشت گرداں دی پولیس موبائل تے فائرنگ: اے ایس ائی سنے 2اہلکار تے اک راہ جاندا بال ہلاک

کراچی(پاکستان پوائنٹ نیوز21۔جولائی 2017ء) دارالعلوم کورنگی نیڑے نامعلوم موٹر سائیکل سوار دہشت گرداں نے پولیس موبائل تے فائرنگ کر دتی، فائرنگ دے نتیجے وچ اے ایس آئی سنے دو پولیس اہلکار تے اک راہ جاندا بال ہلاک ہو گیا۔ میڈیا رپورٹس مطابق کراچی وچ دہشت گرداں نے پولیس اُتے حملا کر دتا۔ ان پچھاتے موٹر سائیکل سواراں نے عوامی کالونی پولیس سٹیشن دی موبائل ایس پی 534تے فائرنگ کیتی۔ فائرنگ نال اک اے ایس آئی، کانسٹیبل تے اک راہ جاندا بال ہلاک ہو گئے۔ دوجے پاسے پولیس نے علاقے نوں گھیرے وچ لیندے ہوئے سرچ آپریشن شروع کر دتا اے۔