نواز شریف صرف استعفا ای نہیں دیوے گابلکہ اڈیالہ جیل وی جائے گا: عمران خان

نواز شریف صرف استعفا ای نہیں دیوے گابلکہ اڈیالہ جیل وی جائے گا: عمران خان

اسلام آباد(پاکستان پوائنٹ نیوز20۔جولائی 2017ء) تحریک انصاف دے چیئرمین عمران خان دا کہنا اے کہ نواز شریف صرف استعفا ای نہیں دیوے گا بلکہ اڈیالا جیل وی جان گے، نواز شریف دا ہن لوکائی وچ جانا مشکل ہو گیا اے، نواز شریف کول ویلا گھٹ اے، نواز شریف 30ورھیاں توں کرپشن کر رہے نیں۔ اوہناں نے اج پریس کانفرنس کردے ہوئے آکھیا کہ شریف خاندان چوری کردے پھڑیا گیا اے۔

نواز شریف دا ہن لوکائی وچ جانا مشکل ہو گیا اے۔ عمران خان دا کہنا سی کہ سپریم کورٹ اندر دستاویزات جمع کروان دی سزا 7سال اے۔ نواز شریف تہانوں شرم آن دی بجائے تُسیں لوکاں نوں دھمکیاں دے رہے او۔ تہانوں کوئی غلط فہمی تے نہیں ہو گئی کہ تسیں مغل اعظم او؟ اوہناں دا کہنا سی کہ جے آئی ٹی توں باہر نکل کے آکھدے او کہ جے آئی ٹی نے ساڈے سوالاں دا جواب نہیں دتا۔

عمران خان نے آکھیا کہ نواز شریف کول ویلا گھٹ اے۔ تہاڈا بزنس ای کرپشن اے۔ منی لانڈرنگ دا جرم کرپشن توں ود ھ اے۔ نواز شریف 30ورھیاں توں کرپشن کر رہے نیں۔ اوہناں نے آکھیا کہ نواز شریف نوں دس دیو کہ دنیا بدل گئی اے۔ ایہ سوشل میڈیا دا دورا اے ۔ کل اوہناں نے نویاں دستاویزات دتیاں تے سوشل میڈیا نے اوہناں نوں ایکسپوز کر دتا۔