بھارت ولوں لائن آف کنٹرول تے جنگ بندی دی خلاف ورزی، 1بال تے سوانی شہید

سماہنی(پاکستان پوائنٹ نیوز18۔جولائی2017ء) لائن آف کنٹرول دے سماہنی سیکٹر تے بھارت نے اک وار فیر جنگ بندی دی خلاف ورزی کردے ہوئے فائرنگ کیتی۔ فائرنگ دے نتیجے وچ اک سوانی تے اک بال شہید ہوگئے ۔ پاک فوج ولوں جوابی کارروائی دے نتیجے وچ دشمن دیاں توپاں چُپ ہو گئیاں۔ نجی ٹی وی مطابق بھارت نے لائن آف کنٹرول دے سماہنی سیکٹر تے جنگ بندی دی خلاف ورزی کردے ہوئے چاہی بروہ تے ڈل کھمبہ وچ شہری آبادی نوں نشانا بنایا۔ میڈیا رپورٹ مطابق فائرنگ دے نتیجے وچ اک جوان سوانی یاسرہ بی بی تے 10ورھیاں دا بال محمد عامر ولد منصف داد شہید ہو گئے جدکہ بال دا والد منصف داد شیل وجن نال ڈاڈھا زخمی ہو گیا۔ پاک فوج ولوں بھرپور جواب مگروں بھارتی توپاں چُپ ہوگئیاں۔