اسحاق ڈار تے خورشید شاہ دی ملاقات، 1956 انکوائری ایکٹ دی تھاں نواں قانون بنان اُتے اتفاق

اسحاق ڈار تے خورشید شاہ دی ملاقات، 1956 انکوائری ایکٹ دی تھاں نواں قانون بنان اُتے اتفاق

اسلام آباد (پاکستان پوائنٹ نیوز16۔اگست 2016ء) وفاقی خزانا وزیر اسحاق ڈار نے اپوزیشن لیڈر سید خورشید شاہ نال ملاقات کیتی جہدے وچ ملکی سیاسی صورتحال تے پارلیمانی امور اُتے وچار وٹاندرا کیتا گیا، ایس دوران حکومت تے اپوزیشن وچکار 1956 انکوائری ایکٹ دی بجائے نواں قانون بنان اُتے اتفاق کیتا گیا۔ اسحاق ڈار نے آکھیا کہ 60 ورھیاں توں اک قانون پل رہیا سی، سپریم کورٹ نے ایہنوں غیر موثر قرار دِتا اے۔

تفصیل دے مطابق منگل دے دیہاڑے خزانا وزیر اسحاق ڈار تے اپوزیشن لیڈر سید خورشید شاہ وچکار ملاقات ہوئی جہدے وچ حکومت تے اپوزیشن وچکار 1956 انکوائری ایکٹ دی بجائے نواں قانون لیان، سیاسی صورتحال تے پارلیمانی امور اُتے وچار وٹاندرا کیتا گیا۔ ملاقات دے بعد میڈیا نال گل بات کردے ہوئے خزانا وزیر نے آکھیا کہ بھرا آپس وچ ملدے رہندے نیں، ملاقات داکوئی خاص ایجنڈا نہیں سی صرف خورشید شاہ کول چاہ پین آیا سی۔

اوہناں نے آکھیا کہ ایس ملاقات دا نتیجا اک مہینے بعد پتا چلے گا، نتیجے جانن لئی اک مہینا انتظار کرو۔ خزانا وزیر نے آکھیا کہ 60 ورھیاں توں اک قانون چل رہیا سی، جہنوں سپریم کورٹ نے غیر موثر قرار دے دِتا، اوہناں دا کہنا سی کہ بدعنوانی دیاں تحقیقات لئی قانون نوں مضبوط کرن دی لوڑ اے تے ٹی او آرز دے معاملے اُتے سپیکرتے اپوزیشن لیڈر توں ثالثی دی درخاست کیتی اے، کوشش اے کہ ٹی او آرز کمیٹی دا اجلاس جلدی بُلایا جاوے گا تے اجلاس دے بعد حکومت دی تجویز کردا احتساب ایکٹ نوں پبلک کیتا جاوے گا۔

ایس دوران خورشید شاہ نے آکھیا کہ اعتزاز احسن نال مشاورت دے بعد ٹی او آرز اجلاس بلان دا شیڈول طے کراں گے۔ اوہناں نے آکھیا کہ اک دوجے تے چِکڑ سُٹن نال کسے دا کوئی فائدا نہیں ہووے گا تے چوہدری نثار دا جو روائیہ سی اوہ مناسب نہیں سی۔