وزیر داخلا چودھری نثار علی خان آن والے دناں وچ ہون والیاں گرفتاریاں دی تیاری کر رہے نیں

وزیر داخلا چودھری نثار علی خان آن والے دناں وچ ہون والیاں گرفتاریاں دی تیاری کر رہے نیں

اسلام آباد(پاکستان پوائنٹ نیوز15۔جولائی2017ء) نجی ٹی وی چینل دے پروگرام وچ گل بات کردے ہوئے ڈاکٹر شاہد مسعود نے آکھیا کہ وفاقی وزیر داخلا چودھری نثار علی خان پارٹی قیادت نال رُسے نہیں نیں بلکہ اوہ آن والے دناں وچ ہون والیاں گرفتاریاں دی تیاری کر رہے نیں۔ اوہناں دا کہنا سی کہ سپریم کورٹ پیر نوں جے وزیرا عظم نواز شریف نوں نااہل قرار دیندی جوکہ غالبن نہیں دیوے گی تے ایس صورت وچ بچاﺅ لئی (ن) لیگ دے وکیل دلائل دی تیاری وی کر رہے نیں۔ ڈاکٹر شاہد مسعود نے آکھیا کہ قوم دا ارباں روپیہ لے کے (ن)لیگ دے سارے وڈے وکیل نسل گئے نیں تے ہن ایہ نِکے موٹے وکیلاں نال کم چلا رہے نیں۔