امریکی شہری دے کیس دی نگرانی آپ کر رہیا واں۔

چوہدری نثارکوئتہ وچ حملا کرن والے دے سِر دا اک حصہ ملیا، جدکہ ڈی این اے وچ کوئی پیشرفت نہیں ہو سکی: داخلا وزیر

امریکی شہری دے کیس دی نگرانی آپ کر رہیا واں۔
چوہدری نثارکوئتہ وچ حملا کرن والے دے سِر دا اک حصہ ملیا، جدکہ ڈی این اے وچ کوئی پیشرفت نہیں ہو سکی: داخلا وزیر

اسلام آباد(پاکستان پوائنٹ نیوز16۔اگست 2016ء) وفاقی داخلا وزیر چودھری نثار علی خان نے آکھیا اے کہ میتھیو نوں 48 نہیں 24گھنٹیاں وچ ویزرا جاری کیتا گیا۔ تفصیل دے مطابق منگل دے دیہاڑے قومی اسمبلی وچ گل بات کردے ہوئے وفاقی داخلا وزیر نے آکھیا کہ میتھیو نوں ویزا جاری کرن دیاں تحقیقات کیتیاں جا رہیاں نیں۔ اوہناں نے آکھیا کہ ایس کیس دی میں اپ نگرانی کر رہیا واں۔

میتھیو نوں 2011 وچ فتح دے علاقے توں گرفتار کیتا گیا سی۔ سکیورٹی اداریاں نے میتھیو نوں ممنوعا علاقے وچ پِھردے ہوئے گرفتار کیتا۔ میتھیو خلاف درج ایف آئی آر وچ جاسوسی دا الزام نہیں سی۔ میتھیو دا سوہر وکیل اے جہنے اوہدا کیس وی لڑیا۔ داخلا وزیر نے دسیا کہ میتھیو دی پاکستانی بیوی وچوں دو بال نیں تے میتھیو دی پاکستان آمد دا سوہرے نوں پتا نہیں سی جدکہ میتھیو نوں جاری کیتے گئے ویزے تے ائر پورٹ توں نکل جان دیاں تحقیقات کیتیاں جا رہیاں نیں۔

اوہناں دا کہنا سی کہ میتھیو دے جاری کیتے گئے ویزے بارے دفتر خارجا تحقیقات کر رہیا اے۔ اوہناں نے آکھیا کہ ویزا افسر دی کوتاہی پاروں میتھیو نوں ویزا ملیا جدکہ ویزا فارم وچ اہم نکات وی نہیں بھر ے گئے۔ اوہناں دا کہنا سی کہ ویزا دین والے افسر خلاف کارروائی خارجا وزارت دی ذمے واری اے۔ ایس توں وکھ قومی اسمبلی وچ داخلا وزیر نے کوئٹہ دُکھانت بارے گل بات کردے ہوئے آکھیا کہ کوئٹہ دُکھانت دیاں تحقیقات جاری نیں اوہناں نے دسیا کہ حملا کرن والے دے سِر دا اک حصہ ملیا جدکہ ڈی این اے وچ وی کوئی پیش رفت نہیں ہو سکی۔

داخلا وزیر نے آکھیا کہ موقع توں ملن والیاں تصویراں توں وی ملزم دی شناخت نہیں ہوئی۔ اوہناں دا کہنا سی کہ اک بال نوں حادثے دی تھاں تے ملزم دے طور تے وکھایا گیا پر اوس بال دا ایس حملے نال کوئی تعلق نہیں اے۔ اوہناں دا کہنا سی کہ حملے دی تھاں توں انگلیاں دے نشان وی ملے پر اوہ کسے متاثرا بندے دے سن۔ اوہناں دا کہنا سی کہ کوئٹہ دُکھانت اُتے کُجھ گرفتاریاں وی کیتیاں گئیاں نیں تے کُجھ تانے بانے وی ملے نیں۔ داخلا وزیر نے ایوان وچ دسیا کہ آن والے کُجھ دِناں وچ چارے صوبیاں دے وزیر اعلا دا اجلاس بلان دا فیصلا کیتا گیا اے۔ اوہناں نے دسیا کہ نیشنل ایکشن پلان اُتے بنن والی کمیٹی انتظامی اے، کمیٹی نیشنل ایکشن پلان اُتے عملدرآمد نوں یقینی بناوے گی۔