اسلام آباد (پاکستان پوائنٹ نیوز16۔اگست 2016ء) نیشنل ایکشن پلان اُتے عملدرآمد دے معاملے اُتے وزیر اعظم نواز شریف نے چاراں صوبیاں دے وزیر اعلا دا اجلاس بلان دا فیصلا کیتا اے۔ ویزر اعظم نواز شریف دی صدارت ہیٹھ ہون والے اعلا سطح دے سکیورٹی اجلاس وچ وفاقی داخلا وزیر چوہدری نثار علی خان نے نیشنل ایکشن پلان اُتے بریفنگ دِتی سی جہدے وچ اوہناں نے آکھیا کہ نیشنل ایکشن پلان دے 4 پوائنٹس داخلا وزارت بارے نیں۔
نکات اُتے عملدرآمد وفاقی تے صوبائی حکومتاں دی سانجھی ذمے واری اے۔ پیر دے دیہاڑے ہون والے اجلاس وچ داخلا وزیر نے موقف اختیار کیتا کہ جدوں تیکر وزیر اعظم نواز شریف نیشنل ایکشن پلان تے اوہدے اُتے عملدرآمد دے حوالے نال آپ مانیٹرنگ نہیں کرن گے اودوں تیکر نتیجے نہیں آن گے۔ جہدے بعد وزیر اعظم نواز شریف نے چاراں صوبیاں دے وزیر اعلا دا اجلاس بلان دا فیصلا کیتا اے۔ وزیر اعظم نواز شریف ایس اجلاس وچ صوبیاں وچ جاری نیشنل ایکشن پلان اُتے چاراں صوبیاں دے وزیر اعلا توں رپورٹ لین گے۔ وسیلیاں دے مطابق وزیر اعظم نواز شریف دی صدارت وچ ایہ اجلاس چالو ہفتے ہووے گا۔
