اوول میچ دی فتح دے نتیجے وچ آن والے دِناں نوں پاکستان دی ٹیسٹ کرکٹ ٹیم نوں فائدا ہووے گا: مصباح

اوول (پاکستان پوائنٹ نیوز16۔اگست 2016ء) پاکستان دی ٹیسٹ کرکٹ ٹیم دے کپتان مصباح الحق نے آکھیا اے کہ اوول دی فتح دے نتیجے وچ آن والے دِناں وچ پاکستان دی ٹیسٹ کرکٹ ٹیم نوں فائدا ہووے گا۔ اک انٹرویو وچ مصباح الحق نے آکھیا کہ اوہ سمجھدے نیں کہ انگلینڈ خلاف آزادی دے دن ملن والی فتح دے نتیجے وچ پاکستان دی ٹیسٹ کرکٹ دا مستقبل روشن ہویا اے۔ اوہناں نے آکھیا کہ جدوں چھ ورھے پہلے اوہناں نے ٹیم دی کمانڈ سنبھالی تے اوس ویلے اوہناں دا نشانا ٹیم نوں اک کرنا سی۔ مصباح الحق نے آکھیا کہ اکٹھے رہن نال چنگے نتیجے ملدے نیں۔ اوہناں دا کہنا سی کہ انگلینڈ خلاف ٹیسٹ سیریز برابر کرن نال کھڈاریاں نوں آن والی سیریز وچ چنگی کارکردگی وکھان دا حوصلا ملے گا۔