کراچی (پاکستان پوائنٹ نیوز16۔اگست 2016ء) پاکستانی ہدایت کار اداکار سرمد کھوسٹ نوں حکومت ولوں پرائڈ آف پرفارمنس ایوارڈ نال نوازیا جاوے گا۔ تفصیل دے مطابق سرمد کھوسٹ نے آپ ایس گل دی تصدیق سوشل میڈیا اُتے اپنے اک پیغام وچ کیتی۔ یاد رہوے کہ ایہ ایوارڈملک دا ناں روشن کرن والیاں نوں دِتا جاندا اے جہدے تحت چالو ورھے 14 اگست نوں پرائڈ آف پرفارمنس دا ایہ صدارتی ایوارڈ حاصل کرن والیاں دی لسٹ وچ سرمد کھوسٹ دا ناں شامل سی جہناں نے منٹو وچ وی اپنی اداکاری تے ہدایت کاری دے جوہر وکھائے۔
سرمد کھوسٹ دا کہنا سی کہ ملک ولوں دِے گئے پیار تے عزت لئی میرے کول لفظ نہیں نیں، میں امید دے نال نال دعا وی کرنا آں کہ میں کدی وی اپنی قوم تے ملک نوں نیویاں وکھان دی وجہ نہ بنا۔ اوہناں نے ہور آکھیا کہ میں ایس مٹی دا ہمیشہ ای شکر گزار رہواں گا۔
