اسلام آباد (پاکستان پوائنٹ نیوز15۔اگست 2016ء) وفاقی دارالحکومت اسلام آباد دے سیکٹر ایف ٹین تھری وچ دو گروپاں وچکار فائرنگ دے نتیجے وچ سابق چیئرمین سینیٹ میاں محمد سومرو دا بھانجا قتل جدکہ اک بندا زخمی ہوگیا۔ پولیس حکام دے مطابق اسلام آباد دے علاقے ایف ٹین وچ تھانا شالیمار دی حدود وچ راجا اسد تے حسنین وچکار دو دن پہلے کسے گل اُتے جھیڑا ہویا پر دوویں گروپاں وچکار صلح وی کروا دِتی گئی جدکہ صلح نامہ تیار کیتا جا رہیا سی کہ دوویں گروپاں وچکار اک وار فیر تلخی ہو گئی جہدے نتیجے وچ بیرسٹر فہد ملک ہلاک تے اک بندا زخمی ہو گیا۔
پولیس وسیلیاں دا کہنا اے کہ فائرنگ دے واقعے وچ ہلاک ہون والے فہد ملک سابق نگران وزیر اعظم تے چیئرمین سینیٹ میاں محمد سرمرو دا بھانجا اے جدکہ پوسٹ مارٹم دے بعد اوہدی لاش گھر والیاں دے حوالے کر دِتی گئی اے۔ پولیس نے وقوعہ اُتے پہنچ کے سارے ثبوت اکٹھے کیتے تے ایف آئی آر کٹن لئی درخاست وی لکھ لئی اے۔ جدکہ قتل بارے ہور تفتیش شروع کر دتی گئی اے۔ پولیس دا کہنا اے کہ جھیڑے دی وجہ اجے تیکر پتا نہیں لگی۔
