پہلی سارک ینگ پارلیمنٹرین کانفرنس منگل نوں اسلام آباد وچ ہو رہی

پہلی سارک ینگ پارلیمنٹرین کانفرنس منگل نوں اسلام آباد وچ ہو رہی

اسلام آباد (پاکستان پوائنٹ نیوز15۔اگست 2016ء) پہلی جنوبی ایشیائی تنظیم برائے علاقائی تعاون (سارک) ینگ پارلیمنٹرین کانفرنس 16 اگست نوں اسلام آباد وچ ہووے گی۔ کانفرنس وچ افغانستان، بھوٹان، بھارت، مالدیپ، نیپال، سری لنکا سنے پاکستان ولوں 50 توں ودھ پارلیمنٹرین رلت کرن گے۔ یاد رہوے کہ نومبر 2016 توں اسلام آباد وچ 19 ویل سارک سمٹ کانفرنس دا انعقاد کیتا جا رہیا اے جہدے وچ خطے دے سربراہان مملکت دی رلت دی امید اے۔

سپیکر ایاز صادق نے ایس کانفرنس دے انعقاد لئی بھرپور کوششاں کیتیاں نیں جہدے وچ نوجواناں ممبراں نوں علاقائی امن تے سلامتی دے حوالے نال گل بات کرن تے اپنے نقطہ نظر نوں پیش کرن دا موقع ملے گا۔ کانفرنس وچ بھارت، افغانستان تے نیپال توں چار چار، بھٹوٹان توں 5 تے سری لنکا توں چھ ارکان پارلیمان رلت کرن گے جدکہ میزبان ملک توں پارلیمانی جماعتاں اُتے مشتمل 25 رکنی وفد رلت کرے گا۔

سارک دے سکریٹری جنرل ارجن بہادر تھاپا وی کانفرنس وچ رلت کر رہے نیں۔ پہلی سارک پارلیمنٹرین کانفرنس 2016 دی میزبانی دے فرض پاکستان دی قومی اسمبلی تے پاکستان انسٹی ٹیوٹ فارپارلیمنٹری سروسز سانجھے طور تے انجام دین گے۔ جدکہ ایس کانفرنس دا مقصد نہ صرف نوجوان ارکان پارلیمان نوں خطے دے مسائل اُتے بحث لئی پلیٹ فارم فراہم کرنا اے بلکہ خطے وچ پارلیمانی سفارت کاری تے رابطے نوں فروغ وی دینا اے جہدے ذریعے علاقائی مسئلیاں نوں حل کرن لئی لمے چِر لئی مذاکرات تے تعاون لئی راہ پدھر کیتی جا سکے گی۔

کانفرنس وچ امن تے ترقی، انسانی حقاں، پائیدار ترقی تے ثقافتی سفارت کاری بارے امور اُتے گل بات کیتی جاوے گی۔ کانفرنس دے آخیر تے اسلام آباد اعلامیا جاری کیتا جاوے گا۔ کانفرنس 18 اگست نوں ختم ہووے گی۔