کراچی (پاکستان پوائنٹ نیوز15۔اگست 2016ء) صوبائی وزیر منظور وسان نے آکھیا اے کہ الیکشن اک دو مہینے پہلے ہو سکدے نیں، پیپلز پارٹی دے ووٹ وچ وادھا ہو رہیا اے، 2018 پیپلز پارٹی دی جِت دا سال ہووے گا۔ سندھ سیکرٹریٹ دے باہر میڈیا نال گل بات کردے ہوئے منظور وسان نے اپنے خاب دا اظہار کردے ہوئے آکھیا کہ میں نواں خاب ویکھ لیا اے کہ الیکشن اک دو مہینے پہلے ہو سکدے نیں۔
اوہناں دا کہنا سی کہ پیپلز پارٹی دے ووٹ وچ وادھا ہو رہیا اے تے 2018 پیپلز پارٹی دی جِت دا سال ہووے گا۔ اوہناں دا کہنا سی کہ پنجاب وچ پیپلز پارٹی نوں موقع ملیا تے سندھ وانگ ترقی لیاواں گے۔ اوہناں نے چوہدری نثار علی خان دے حوالے نال آکھیا کہ پتا نہیں اوہ کس دے اشارے اُتے کم کر رہے نیں۔ اوہناں دا کہنا سی کہ اِنج لگدا اے کہ چوہدری نثار رات نوں محبت تے دن ویلے نفرت کردے نیں۔ منظور وسان نے آکھیا کہ سید مراد علی شاہ دے وزیر اعلا بنن اُتے دوجے صوبیاں دے لوک حیران نیں۔ پنجاب تے خیبرپختوا توں فون آ رہے نیں کہ سندھ وچ کویں تبدیلی آگئی۔ اوہناں دا کہنا سی کہ وزیر اعلا متحرک ہو جان تے وزیر وی متحرک ہو جاندے نیں۔
