دمشق (پاکستان پوائنٹ نیوز15۔اگست 2016ء) شام وچ 5 ورھیاں توں جاری خانا جنگی وچ شدت آگئی، حکومتی فوجیاں تے باغیاں دے حملے وچ صرف دو دِناں دے دوران 180 بندے ہلاک جدکہ درجناں دے حساب نال زخمی ہوگئے۔ غیر ملکی میڈیا دے مطابق شام وچ جاری خانا جنگی ویلے دے نال نال تیز ہوندی جا رہی اے۔ پچھلے دو دِناں دے دوران حکومتی تے باغی فوجیاں دے حملیاں وچ 180 شہری ہلاک ہو گئے جہناں وچ 22 بال تے 23 سوانیاں شامل نیں۔
سیرین آبزرویٹری کمیشن دا آکھنا اے کہ 15 دِناں وچ حکومتی فوجیاں ولوں گھیرے دے دوران 327 شہری ہلاک ہو گئے نیں۔ ہلاک ہون والیاں وچ 76 بال تے 41 سوانیاں شامل نیں۔ رپورٹ دے مطابق حلب وچ 100 توں ودھ شہری حکومتی فوجیاں ہتھوں ہلاک ہو گئے نیں۔ یاد رہوے کہ حکومتی فوجیاں ولوں باغیاں خلاف فیصلا کن آپریشن شروع کرن دے بعد شہریاں دیاں موتاں وچ وادھا ہویا اے۔ 2011 وچ شروع ہون والی ایہ شامی خانا جنگی وچ ہُن تیکر دو لکھ 80 ہزار بندے ہلاک ہو گئے نیں۔
