لاہور: سگی ماں نوں اغوا کار سمجھ لیا، شہریاں دا ماں اُتے تشدد

لاہور (پاکستان پوائنٹ نیوز15۔اگست 2016ء) لاہور وچ بالاں دے اغوا دے ودھدے ہوئے واقعیاں پاروں لوکائی وچ ڈاڈھی حد تیکر خوف پایا جاندا اے۔ مبینا اغوا کار ہون دے شک وچ پچھلے کئی کئی دِناں توں شہریاں دے ہتھوں کئی بندے تشدد دا نشان بن چکے نیں جدکہ پیر دے دیہاڑے لاہور وچ شہریاں نے بال دی سگی ماں نوں ای اغوا کار سمجھ کے اوہدے اُتے تشدد کیتا۔ تفصیل دے مطابق لاہور دے علاقے وچ اک 9 ورھیاں دا بال روندا ہویا اپنی ماں نال جا رہیا سی کہ نیڑے موجود لوکاں نوں سوانی دے اغوا کار ہون دا شبا ہویا جہدے تے شہریاں نے بال دی سگی ماں نوں ای تشد دا نشانا بنا دِتا۔